Jowai, Nailur 10: Ka jingïalehkai phubol bala pynïaid daka West Jaiñtia District Sports Association (WJDSA) kaba la long hynne ka sngi 10 tarik u Nailur haki ar tylli ki kyrdan kata ka ‘5th Adelbert Memorial Trophy 3rd Division Football 2025 bad ka ‘8th Debo Shullai Memorial Trophy 2nd Division Football 2025 bala pynlong ha madan Kiang Nangbah Stadium Dongmihsngi, Jowai.
Haba phai sha ka jingïakhun ba nyngkong haka kyrdan 3rd Division ka Kyndongtuber SC kala jop da 3-0 kol ïaka Mooknor Nangbah SC, ïaki kol naka Kyndongtuber SC la thep da u Pharki Chyrmang haka minit ba 6 bad u Medawan Phawa haka minit ba 48 & 67.
Haka jingïakhun kaba ar ka Myrjai SC kala jop da 2-1 kol ïaka Lumpariat SC, ïa ki kol na ka Myrjai SC la thep da u Treilang Kyndait haka minit ba 10 & 13. Ïa ka kol naka Lumpariat la thep da u Skemlang Phai (62’).
Katba haka jingïakhun kaba lai ka Pateinki Sabahmuswang kala jop da 2-1 kol ïaka SCSC Nonglatem, ïa ki kol na ka Pateinki Sabahmuswang la thep da u Dameshwa Dkhar haka minit ba 35 bad u Kyrshan Phawa haka minit ba 68. Ïa ka kol naka SCSC Nonglatem la thep da u Pial Langshiang haka minit haka minit ba 16.
Haba phai pat sha ka jingïakhun jong ka 2nd Division ka Lumpyrtuh Mihmyntdu kala jop da 2-0 kol ïaka Loomsooiung Newhill, ïa ki kol naka Lumpyrtuh Mihmyntdu la thep da u Arwanki Rymbai haka minit ba 33 & 58.
