Jowai, Nailur 06: Ka jingïalehkai phubol bala pynïaid daka West Jaiñtia District Sports Association (WJDSA) kaba la long ha ka 06 tarik u Nailur haki ar tylli ki kyrdan kata ka ‘5th Adelbert Memorial Trophy 3rd Division Football 2025 bad ka ‘8th Debo Shullai Memorial Trophy 2nd Division Football 2025 ha madan Kiang Nangbah Stadium Dongmihsngi, Jowai.
Haba phai sha ka jingïakhun ba nyngkong haka kyrdan 3rd Division ka Mookaswan Dongneiñ SC kala jop da 8-0 kol ïa ka Chyrmang Wah SC, ïa ki kol na ka Mookaswan Dongneiñ SC la thep da u Shain Shylla haka minit ba 10 & 20, u Bormi Shylla (18), u Ksaid Shylla (21), u Patrick Ryngkhlem (32), u Raja Shylla (45), u Jarki Dkhar (56) bad u Pyrkhat Shylla haka minit ba 65.
Katba haka jingïakhun kaba ar ka Lumchyrmang Mihmyntdu kala jop da 3-1 kol ïaka Khliehshnong Ialong, ïa ki kol na ka Lumchyrmang Mihmyntdu la thep da u Lutmon Chyrmang haka minit ba 26, u Sooki Chyrmang ha ka minit ba 44 bad u Ebok Churmang haka minit ba 52. Katba ïa ka shikol na ka Khliehshnong Ialong la ïoh ban thep da u Iahluti Dhar haka minit ba 69.
