Jowai, Nailur 26: Ka jingïalehkai phutbol bala pynïaid daka West Jaiñtia District Sports Association (WJDSA) kaba la long hynne ka sngi Thohdieng, ka 26 tarik u Nailur, 2025, haka kyrdan ‘8th Debo Shullai Memorial Trophy 2nd Division Football 2025 bala pynlong ha madan Kiang Nangbah Stadium Dongmihsngi, Jowai.
Kane ka sngi ka la sdang da ka jingïakhun kaba noh shiliang ha kaba la sakhi ïa ka Lupyrtuh Mihmyntdu kaba la pynliem noh da kaba suk haduh 4-0 kol ïaka Panaliar. U Arwanki Rymbai u la long u namtam ha kane ka jingïakhun da kaba pynkhihjar ar sien kiba la wan haka minit ba 70 & 76. Ki ar tylli kiwei pat ki ar tylli ki kol jong ka Lumpyrtuh Mihmyntdu la thep da u Remember Lamare (16’) bad u u Ebormi Biam (20’).
Haka jingïakhun kaba ar ka Khliehmyntang Ialong kala jop da kaba pynliem noh da 2-1 kol ïaka Lumbhahdakha Wahiajer.
Ha ka jingïakhun ka Khliehmyntang Ialong ka la lamkhmat nyngkong lyngba u J Bryan Pale (29’) hynrei u Bernard Suchiang (38’) u la ïoh ban pynïakhaid shipor na bynta ka Lumbhahdakha Wahiajer shuwa ba u Vandame Pale (79’) un thep ïa ka kol pynjop na ka bynta ka Khliehmyntang.
Katba ha ka jingïakhun kaba lai ka Luti Tuber Social Welfare kala jop da 5-2 kol ïaka Chilliangriaj SC, ïa ki kol na ka Luti Tuber Social Welfare la thep da u Marbhah Dhar (3’), u Iohbhah Dhar (39’), u Play Mulieh (45’), u Sowatki Nikhla (own goal 47’) bad u Sdang Lhuid (68’). Ïa ki ar kol na ka Chilliangriaj SC la thep da u Shwaki Dhar (own goal) haka minit ba 36 bad u Mayalang Lanong haka minit ba 41.
