Jowai, Risaw 03: Ka jingïalehkai phutbol bala pynïaid daka West Jaiñtia District Sports Association (WJDSA) kaba la long ha ka 03 tarik u Risaw haka kyrdan ‘8th Debo Shullai Memorial Trophy 2nd Division Football 2025 bala pynlong ha madan Kiang Nangbah Stadium Dongmihsngi, Jowai.
Haba phai sha ka jingïakhun ka Quarter Final mynta ka sngi ka Mulang Ialong kala pynliem da 2-0 kol ïaka Iawmulong Nartiang, ïa kitei ki ar kol naka Mulang Ialong la thep da u Sucrip Manar haka minit ba 59 bad u Nidaroi Mulieh haka minit ba 79.
Katba haka jingïakhun kaba ar ka Lumbhahdakha Wahiajer kala pynliem da 3-0 kol ïaka Khliehmynkrem, ïa kitei ki kol naka Lumbhahdakha Wahiajer la thep da u Gideon Mukhim haka minit ba 12, u Pynkhreh Talang haka minit ba 65 bad u Steven Lyngdoh haka minit ba 72.
