Jowai, Nailur 27: Ka jingïalehkai phutbol bala pynïaid daka West Jaiñtia District Sports Association (WJDSA) kaba la long ha ka sngi saitjaiñ 27 tarik u Nailur haka kyrdan ‘8th Debo Shullai Memorial Trophy 2nd Division Football 2025 bala pynlong ha madan Kiang Nangbah Stadium Dongmihsngi, Jowai.
Haba phai sha ka jingïakhun ba nyngkong ka Dongmihsngi kala pynliem da 4-0 kol ïaka Giovento Mynso, ïa ki kol naka Dongmihsngi la thep da u Dasienki o Sutnga haka minit ba 4, u Daioshwa Surong haka minit ba 41, u Larim Nampui haka minit ba 66 bad u Diki Suchiang haka minit ba 77.
Katba haka jingïakhun kaba ar ka Mulang Ialong kala pynliem da 2-1 kol ïaka Loomsooiung Newhill, ïa ki ar kol naka Mulang Ialong la thep da u Teibok Lyngdoh haka minit ba 10 & 43. Ïa ka shikol na ka Loomsooiung Newhill la thep da u Lastborn Suting haka minit ba 74.
