Jowai, Nailur 24: Ka ophis jong u District Sports Officer (DSO) West Jaiñtia Hills District ha ryngkat ka jingïatreilang bad ka West Jaiñtia District Sports Association (WJDSA) kin pynlong ïa ka Open Volleyball Championship – 2024 na ka bynta baroh ki Shynrang bad Kynthei ha une u bnai October 2024.
Ha kaba ïadei bad kane, ka ophis u DSO bad WJDSA ka khot ïa baroh ki Sports Club, ki Skul, ki College, bad kiwei kiba hapoh ka West Jaiñtia Hills District ba kin wan ïashim bynta ha kane ka Tournament. Ïa ka tarik ba khatduh ban pdiang ïaka entry kan long ha ka 9 tarik October, 2024.
La kyrpad ïa kiba kwah ban ïashim bynta kin leit shim ïa ka entry phorm na ka ophis jong u DSO bad WJDSA, katba ïa ka tarik bad ka jaka ban pynlong ïa katei ka lympung yn sa pyntip pat hadien.
