Jowai, Nailar 10: U Dalloi ka Elaka Darrang u Pyrwa Lymba ula khot bad wer ïaki khun ka Elaka Darrang kiba don hapoh ka Elaka bad kiba sah shabar ka Elaka kiba dei ki nongshong shnong ka Elaka ba kin ïawan sha ka Dorbar Elaka ban ïa shong ïa thir na bynta ka bha ka miat jong ka Elaka.
Kane ka Dorbar Elaka yn pynlong ha shnong Darrang harud ka wah Umngot (Ïing wah) haka por 10 baje mynstep haka 13 tarik u August 2022, ha ka juh ka por u pa Dalloi u kyrpad sha baroh kiba trei Tourism hapoh u sawdong sawkun ka Elaka ba kin pynsangeh ïaka jingtrei jong ki naduh ka por 9 baje mynstep haduh ban da wai ka Dorbar khnang ba kan ym thut ïaka Dorbar kaba la mut ban pynlong ha katei ka sngi.
