Wer ki khun samla seng Khihlang sha ka Lympung ba hynriew ha Wah Nongkseh, Seng Khasi Sohïong Pyllun

Shillong, Rymphang 08 : Ki Khun Samla Seng Khihlang (Seng Khasi Seinraij) kumba ju long manla u snem ryngkat ka jingïatreilang ka Seng Khasi Wah Nongkseh kan pynlong ïa ka lympung ba 6 ha Seng Khasi Wah Nongkseh kaba hap hapoh ka Seng Khasi Sohiong Pynlun.
Katkum ka kyrwoh, la pyntip ba kane ka Lympung kan long ha ka 14/02/2026 bad pynkut ha ka 15/02/2026 naduh ka por 10.00 baje mynstep halor ka Mat pdeng.”Im ka Niam Im ka Jait Bynriew”.
“Kumta na ka liang ki Khun Samla Seng Khihlang ka khot sngewbha ïa baroh ki khun ka bri u Hynñiewtrep Hynñiewskum na ki tnad seng Khasi bad Seiñ Raij bapher bapher ba kin wan sha ka lympung jong ki Khun Samla Seng Khihlang.(Sengkhasi Sein Raij). Ha kane ka Lympung yn ai ïa ki kyntien sneng na ki Samla bad ki riew Rangbah, ki nongïalam jong ki tnad Seng Khasi bad Seiñ Raij ha ka ba kumno ban pynneh pynsah ïa ka Niam ka Rukom ki Dustur ki Riti ka ba la ïoh pateng na u Blei Trai Kynrad na jrong, kan don ruh ka jing pyn i la riti na ki seng khasi sein raij ba pher ba pher,” ong ka kyrwoh ba la phah da i Mandakai Phawa, Publicity Secretary ki Khun Samla Seng Khihlang.
Ha kajuh ka por la ong ruh ba na ka liang Ki Khun Samla Seng Khihlang ka khot sngewbha ïa ki Dalloi, ki Syiem bad ki President, Secretary jong ki tnad Seng Khasi bad Seiñ Raij ban wan sha kane ka lympung.
Katkum ka kyrwoh la pyntip ruh ba ka jingjngai sha katei ka jaka ka long 123KM na Amlarem ne kumba 3 kynta shiteng, 99KM na Jowai ne kumba 3 kynta ei ei, 123 KM na Khliehriat ne 3kynta shiteng, 91KM na Nongstoin ne kumba 3 kynta duna, 71KM na Bhoirymbong ne kumba 2 kynta shiteng bad 42KM na Shillong ne kumba 1 kynta shiteng.