Jowai, Nailur 11: Ka “Sur ki Nong Jaiñtia” ha ka jingïatrei lang ban kyrshan ïa ka Sur Ka Bri U Hynñiew-Trep, kan pynlong ïa ka jingïalang Paidbah (Public Meeting) ha ka 13 tarik Nailur, 2022 ha ka por 11 baje mynstep ha Jowai West Jaiñtia, District. La pyntip ba ka jingpynlong ïa kane ka jingïalang paidbah ka long halor ka jingbym sngewhun ïa ka kaiphod jong i (late) Bah Cherishterfield Thangkhiew ïa kaba lah pynlait paitbah ha ka 9 tarik September 2022.
Ha kaba ïadei bad kane ka SUR ki Nong Jaiñtia ka khot bad wer ïa barah lang jong ki khun ki hajar jong ka Bri U Hynñiew-Trep ba ïapoi ha kane ka jingïalang paitbah, khnang ban ïoh ïa ka jingpynshai khamtam ïa kito kiba donkti ban siat ïap ïa u (L) Cherishterfield Thangkhiew.
