Shillong, Nohprah 12 : Watla u Angkit Tamang u la ïoh ban khur marwei haduh 6 wicket ai kamai 46 ron, hynrei ka Meghalaya ka dang shah rem hakhmat ka Chhattisgarh ha ka jingïalehkai jong ka lympung U-16 Vijay Merchant Trophy ha ka jingïalehkai hynne ka sngi Nyngkong ha Vadodara. Ka Meghalaya ka la rem ha ak Chhatisgarh da ka inning bad 250 ron.
Ki lai ngut ki rangtied sdang jong ka Chhattisgarh ki la shah pynhap wicket kloi noh hynrei u Yash Kumar Varda u la pyllait im ïa ka Chhattisgarh da kaba kamai 132 ha kaba katei ka kynhun ka la kamai 354 ron.
U Angkit Tamang u la pynhap ïa ka wicket jong utei u rangtied ba kamai century bad u la ïoh ruh ban pynhap ïa ka wicket jong kiwei pat ki arngut ki rangtied jong ka Chhatisgarh kiba kamai bun ron.
U Tamang uba la sdang nyngkong ban kawang bol u la ïoh ban pynhap wicket ïa ki rangtied kiba kamai ron bad u la ïoh ban kawang 18.2 over. U Namewanki Pakynteiñ uba kawang 16 over u ïoh 2 wicket ai kamai 75 ron bad u Kishlay Vishlux u ïoh 2 wicket ai kamai 65 ron na ki 11 over.
Ha ka sngi U Blei ba la dep, ka Meghalaya kaba la jop ïa ka jingkynting pisa ka la kam ban kawang bol nyngkong hynrei ka la shah pynhap lut baroh ki wicket da kaba kamai 61 ron. U Rudra Singh Rathore marwei u kamai 22 ron katba u Jarett M Wanñiang u kamai 13 ron. Hynne ka sngi pat, ka donkam ban tied 293 ron hynrei ka la shah pynhap lut baroh ki wicket bad kamai 43 ron. U Vishlux marwei u kamai 17 ron katba u Rathore u kamai 12 ron.
Ka Meghalaya kan ïakhun pat pyrshah ïa ka Delhi ha ka 16 tarik Nohprah.
