Shillong, Nailar 13: Ka Umrynjah ka la khur ïa ka jingjop da 2-1 kol pyrshah ïa ka Nongumlong ha ka jingïakhun ïa ka quarter final kaba ar jong ka lympung Third Division 2025 ba la pynïaid da ka Shillong Sports Association ha madan First Ground-SSA Stadium, Polo hynne ka sngi Balang.
Hynrei ka Nongumlong ka la mudui da ka jingpyrshah ha kaba ïadei bad uwei u rangïalehkai ka Umrynjah, kumta ka resol jong kane ka jingïakhun ka dang sahkut haduh ba ka SSA kan ïakynduh ban bishar bñiah ïa katei ka jingujor.
