Shillong, Iaiong 2 : Ka Jaidbynriew hakhmat ka party shadien pynpaw rangbah u bah Charles Pyngrope namar wat la dei na kajuh ka sem ne ka party kata na ka All India Trinamool Congress (AITC) hynrei haba kren tam ïa ka jylla u kyrwait kylla dar.
Kane ka la jia ïa ka MP jongka AITC na West Bengal ka Shanta Chhetri kaba la wanrah ka jingdawa hapoh ka ïing dorbar thawaiñ Rajya Sabha ba ka sorkar Meghalaya ka dei ban ithuh ïa ki paid Hindu kum ki rit paid kumba ka sorkar pdeng ka la ai jubab sha ka ïing bishar Supreme Court.
Halor kane u bah Charles uba dei u President ka AITC ha kane ka jylla Meghalaya u la ong “ Kan jin da la bha ïa kane ka MP ba kan kren tang shaphang ka West Bengal ym ba kan tuklar ïa ka jylla Meghalaya. Namar ngi dei ka jylla kaba laitluid haka jingmane Blei ban bud ïa kano kano ka niam ngim don jingteh jingkhum ïano ïano ruh kumta ym lah ban pdiang ïa katei ka jingdawa jongka ha kane ka jylla”.
Kane ka jingdawa jong kane ka Chhetri ka long halor ka affidavit ba la ai da ka sorkar pdeng sha ka ïing bishar SC kaba la pynpaw ba ki jylla ki lah ban pynbna rit paid ïa kino kino ki jaid bynriew lada ki duna shisha ha kita ki jylla ba ki don.
