Shillong, Nailur, 11: U President barim ka FKJGP, Bah Wellbirth Rani ha ka sngi Saitjaiñ u la ong ba ym dei satia ban pyndonkam bakla ïa ka ambulance na ka bynta ban kit kyiad lane ban kit dieng sawdong hynrei ban pyndonkam hok beit ïa ka tang ban kit ïa ki nongpang.
Ïa kane, u Bah Wellbirth u la kren ha ka jingpyllait paidbah ïa ka ambulance kaba la aiti sha ka FKJGP Sohra ha ka jingdap 10 snem ka jingshakri jong ka ha ka jingïalang kaba long ha madan Pynshadkhurai, Sohra.
Da kaba kyntu ïa ka Circle ba kan shimkhia bad thaw ruh da ka komiti kaba kyrpang ban peit ïa katei ka ambulance, u Bah Wellbirth u la ong, “Wat ju kynnoh ba ka ambulance ka leh bakla hynrei dei ki nongpynïaid kiba leh bakla.”
Na ka liang u President ka Seng Kmie, Bah Dundee Cliff Khongsit pat u la ai ka jingkitbok ba katei ka ambulance ba ka seng ka pyllait paidbah ha katei ka sngi, kan longka jingkyrkhu bad ka jingmyntoi ïa kito ki longiing kiba donkam hok ïa ka jingshakr jong katei ka kali kit nongpang.
U President ha kane ka sngi u la plie pyrda ruh ïa ka lympung ïalehkai phutbol jong ka FKJGP ha ryngkat ka jingdonlang u Sordar ka Elaka Saitsohpen, ki nongïalam ka Seng na Mawlai, Sohra bad ruh na Riwar nalor ki nongïalam jong ka KSU Sohra.
