Wat lada ngam long nongmih khmat shuh, ka jingïadei bad ki paidbah kam pat kut: Lambor

Shillong, K’Lyngkot 04: U MLA bad MDC barim ka Nongkrem Constituency u Bah Lambor Malngiang ha ka sngi Saitjain u la plie paidbah ïa ka Food Fest cum Gospel Concert jong ka Umïew Pomlakrai Lower Primary School.
Ka thong ba ha khmat eh jong kane ka lympung ka long ban pynmih pisa ban shna ïa ki karma klas ban kyntiew kyrdan sha ka Upper Primary.Ha kane ka sngi u Bah Lambor Malngiang u la wan ban ia don bynta lang kum u kongsan.
Nalor u Bah Lambor Malngiang ha kane ka sngi la don lang ryngkat u Rangbah Shnong u Bah Iohbok Warjri, u Tbn rangbah W S Lyngdoh, Tbn D S Marbaniang bad Tbn Sohtun ha eyngkat bad ki nonghikai skul.
Haba kren kum u kongsan u Bah Lambor Malngiang u la pynpaw, wat lada u khlem shuh u nongmih khmat jong ki, hynrei da ka jingieit bad jingsngew burom ki dang khot sngewbha ïa kane ka bad kane ka pyni ba ka jingiadei jong u bad ki kam pat kut.
Hala i bor barit nga wan ban ai mynsiem bad ban noh synniang kum shi bynta ban ïa don bynta lang bad kane ka skul jong ka balang kaba thmu ïa ka kam ba bha ban ai ka jingshakri ia ki khun ki kti jong ka shnong ka thaw, ong u Bah Lambor.
Ha shwa jong kane, u Bah Lambor u la ïoh ruh ban ïa don bynta lang hapoh ka Laitkor Parish ha kaba ka St Joseph Socio Cultural Organisation kala pynlong ïa ka jingrakhe ïa ka lyngkhuh sngi ïap ba hynriew snem jong u Phadar Sngi.
Ha kane ka sngi la ïa don u Fr. Phitus Shadap uba dei peit ïa ka Sacret Hearts Mawlai, u Fr. Francis Kharpan uba dei u Parish Priest ka Laitkor Parish bad kiwei kiwei de.