Nongpoh, Nailur 15 : Uwei u Rangbah na ka Shnong Pahamsyiem uba la jah na la ïing naduh ka 31 tarik u Nailar 2022, u la wan phai iing biang hynin ka sngi hapdeng ka met ba koit ba khiah
Kum ban shu pynpaw ba u ne u Rangbah uba la jah na la ing la tip kyrteng kum u Banshan Khongjoh ha kaba la ju khot ruh ïa u kum u Bah Mol bad u dei ruh u Rangbah uba don ka jingduna ha ka bor pyrkhat pyrdaiñ.
Kumba la ïathuh da kiba haing hasem jong utei u rangbah, la ong ba na ka liang ka ing ka sem ki la pyrshang ban wad jingtip shaei u leit u wan lane u la jah, hynrei kim shym la ioh jingtip shano u la poi bad kane ka la pynjynjar ïa ka ing ka sem ba kim tip satia shano u la poi lane u la leit.
Hynrei dei mynta ka sngi ba utei u rangbah u la poi biang shala iing hapdeng ka met kaba koit ba khiah khlem pat tip thikna naei bad ka jaka kaba u wan.
