Wan tohkit ka NIA ha South Garo Hills, ïoh don jingïadei bad ka jingbthei bom ha Delhi

Shillong, Naiwieng 13 : U Myntri Rangbah ka Jylla Conrad K Sangma ha ka sngi Palei u la ong ba ka jingwan tohkit jong ka National Investigation Agency (NIA) ha South Garo Hills ka dei shi bynta jong ka jingtohkit kaba kham jylliew kaba ïadei bad ka jingbthei bom ha Delhi dang shen.
“Ki jingtip kiba ngi la ïoh ki pyni ba ki jingkhynra ki dang jia ha ki jaka bapher bapher. Ka NIA ka dang pyrshang ban lum ïa ki jingtip ba bniah, bad ka dei ka jingtohkit kaba dang ïaid shakhmat,” u la ong da kaba ai ïa ka jingïatrei lang kaba pura na ka sorkar jylla.
“Ngi don hangne ban ïatreilang bad ki ha baroh ki liang, da kaba ai ïa kano kano ka jingïarap bad jingkyrshan kaba donkam….” u la bynrap biang.
Haba kren pat halor ka jingshngain jong ka nongbah Shillong, u Myntri Rangbah u la ong ba ka jinglong jingman ka long “kaba pher bak-ly-bak” bad ka donkam pat tang ka jingpeitngor da kaba bynrap artad ruh ba ‘kam don daw ban don ïa ka jingsngewtieng’.
Shuh shuh u la ong, “Ki jingtohkit ki dang ïaid shakhmat, bad ngan ym kren eiei palat ïa kaba donkam ban ïada ïa ka jingshngain ka ri. Kam don ei ei ban khuslai; ka dei ka bynta jong ka jingtohkit”, u la pynkut.