Wan pan jingkyrshan ka Murmu na ki MLA bad MP ka jylla ha Orchid Umiam

0

Shillong, Naitung 6 : Ka kyrtong President ka NDA ka Draupadi Murmu mynta ka Sngi Balang ka la wan poi ha Orchid Lake Resort Umiam ban ïakynduh bad pan ka jingkyrshan na ki MLA bad MP jongka jylla ha kane ka election jied President jongka ri namar ka dei ka jaidbynriew riewlum ba nyngkong eh ban sa ïoh kiew sha katei ka khet hadien ka election ban long ha ka 18 tarik mynta u bnai.
ïa ka Murmu la pdiang burom da u Myntri Rangbah u Conrad K Sangma , u Lamphang ka jylla u bah Metbah Lyngdoh, ki MLA ka NPP, BJP bad MP Dr Wanway Roy Kharluki ha ka por ba ka hiar ha ka kad liengsuiñ ha Umroi.
La wan synran ïa ka da u myntri ka sorkar pdeng u Sarbananda Sonowal bad kiwei kiwei.
U Myntri Rangbah u la pynpaw ba ka sorkar MDA kan ai ka jingkyrshan ïa ka Murmu namar ka dei ka longkmie riewlum kaba nyngkong ban sa ïoh kiew sha katei ka shuki ba hakhlieh duh jongka ri. Kumta kumba ka dei ka riewlum kan long ruh ka burom ïak a jylla ban ai ïa ka jingkyrshan ïa ka.
Ka Murmu ka la kyntu ïa baroh 60 ngut ki MLA jongka jylla bad 3 ngut ki MP ban ai ka jingkyrshan ïa ka ha kane ka election namar ba ka dei ka jaidbynriew riewlum ba nyngkong eh ban sa kiew sha ka shuki President.
Na ka liang ka Mumu ka khlem treh ban iakren bad ki nongthoh khubor da kaba ong “ Ngan sa kren ynda nga la wan biang sa shisien sha ka jylla”.

Leave A Reply

Your email address will not be published.