Shillong, Rymphang 26: U High Commissioner ka ri Bangladesh sha India u H.E. M. Riaz Hamidullah ha ka sngi Palei u la ïa kynduh ïa u Lamphang ka ïing dorbar jong ka Meghalaya Legislative Assembly, u Thomas A. Sangma.
Ha kane ka sngi la synran lang ïa u High Commissioner da u Zikrul Hasan Fahad uba long u Assistant High Commissioner bad u head of Mission, Guwahati.
Ha kane ka jingïalang u Lamphang u la aiti ïa u H.E. Hamidullah ryngkat ka coffee table book bad ki jingai sngewbha tynrai jong ka jylla Meghalaya kum ka dak jong ka jingsngewbha bad jingsngewnguh.
Ha kane ka sngi la donlang ruh u Deputy Speaker u Limison D. Sangma, u Secretary ka Ïingdorbar Thawaiñ u Malthus S. Sangma, u Adviser (Legislation) u Dr. Andrew Simons, ha ryngkat bad kiwei de ki ophisar jong ka Meghalaya Legislative Assembly.
La pynlong ruh ka jingïa phylliew jingmut ha ka jinglong kaba ïajan bad kaba tei bha, ha kaba la pynpaw ïa ka mynsiem jong ka jingburom mar kylliang bad ka jingïatreilang kaba bteng hapdeng ka ri Bangladesh bad ka Jylla Meghalaya.
