Shillong, Jylliew : U Bah Teiborlang Pathaw, MDC ka Mawlai u la lah ban pynurlong ïa ka jingthrang jong u ban pynsuk ïa ki paidbah nongshong shnong jong ka thaiñ them Mawlai ha ka ba ïadei bad ki jingtreikam bad ki bank.
Kum u nongmihkhmat ba don ka jingkitkhlieh ïa ka Mawlai baroh kawei, u Bah Teiborlang ula ïohi ïa ka jingshem shitom ki nongshnong shnong jong ka thaiñ Them Mawlai, kata naduh Nongkohlew haduh Madan Mawkhar ha kaba ïa dei bad ka Banking.
Kumta ban pynsuk ïa ki paidbah kane ka thaiñ halor kane ka Banking u la wad ki lad ki lynti bad khatduh ka Meghalaya Rural Bank (MRB) ha ka jingïalam jong u Dipak Singha Roy, u Chief Manager ki la wan ban pyntip sha ki nongpynïaid shnong kane ka thaiñ ba ka MRB kala pynkhreh ban thung ïa ki ‘Business Correspondents’ ne ki briew kiban shimkhia ia kane ka kam haba ïa dei bad ki jingdonkam ka bank.
Kine ki Business Correspondents ne ki briew ban shimkhia ïa ka kam kin mih khmat ïa ka bank bad kin don ïa ka jingkitkhlieh ban ai ïa ka jingshakri sha ki paidbah.
Da ka jingdon kine ki Business Correspondent ki paidbah kane ka thaiñ kin nym donkam shuh ban wan sei ne thep pisa sha Mawlai Sor namar ïa kane baroh la pyndep da kine ki BCs ka ban sa long shisha ka jingkyrkhu ïa ki paidbah.
