Shillong, Nohprah 20: U Bah Jestbat Mukhim u la phah ka jingujor ba ha ka 14 tarik mynta u bnai ha ka por 11.28 baje mynmiet, ki runar kiba na ka shnong Jatah Lakadong hapoh ka jingïalam jong ki arngut ki briew kiba kynthup ïa u Horit Suting bad Skhem Lawai, ki la tuh ïa kawei ka kali pick-up kaba la dap da ki dieng ba shongdor T. 7,000/- na jan ka ïing jong u.
U Bah Ronny Mawtoh u la phah ka jingujor ba ha ka 17 tarik mynta u bnai ha ka por 6.26 baje mynstep, u la shem ba ki runar bym lah ban ithuh ki la prong hapoh ka kali jong u kaba don u number ML-05AA-0225 ha Nongshiliang, West Malki, Shillong bad ki la tuh ïa ka LCD music system napoh ka kali jong u.
