Shillong, Rymphang 21: Ka khubor ba la ïoh na ki pulit la ïathuh ba u Apjal R Sangma u la phah ka jingujor ejahar ha ka 15 tarik mynta u bnai ha ka por 11.30 mynmied ba ki runar bym lah ban ithuh ki la thang ïa ka dukan jong u kaba don ha Williamnagar Main Market (EGH). Halor kane ka jingjia la ong ba ka jingduh nong ka la kot sha ka T. 4 lak. Ïa kane ka juh ka FIR la aiti ruh da kiba shong dukan ha kane ka ïew.
Ha kawei pat ka jingjia u Manager ka Paramount Hotel, Tura u la phah ka jingujor ba uwei uba kyrteng u Aniket Singh Kumar, Junior Associate ka SBI Mahendraganj Branch, uba sah ha ka hotel naduh ka 14 tarik mynta u bnai, 2025, u la mih napoh ka hotel khlem da pynkhuid ïa ki bill.
