Shillong, Nailur 05: Ki pulit ki la ïathuh ba u Bah F.B. Rynjah u la phah ka jingujor ba ha ka 31 tarik u Nailar, 2024, ha ka janmied ha kaba ma u bad 3 kiwei ki dkhot na Laban Dorbar, Shillong, ki la ïoh bat ïa uwei u briew u bym don ïing don sem uba kyrteng u Bimul Gurung 31 snem ka rta, ha kaba la kynnoh ba u la tuh ïa ki PHE pipe na ka jaka hajan Pine Mount School, Shillong.
Shuh shuh ki pulit ki la ïathuh ba kawei ka longkmie kaba sah ha Shillong ka la ïohpdiang shibun ka phone call ha ka 13 tarik u Nailar, 2024.
Kane kaba la phone ïa ka kadei ka kynthei kaba la kam ba kadei ka nongtrei jong ka ‘Foxtale’ company, ha kaba ka la thok ïa ka haduh T. 96,460.55p.
Kawei pat ka khubor ka ïathuh ba u Badyanath Jha u la phah ka jingujor ba hapdeng ka mied jong ka 31 tarik u Nailar, 2024, bad 1 tarik u Nailur, 2024, ki runar bym lah ban ithuh ki la prong hapoh ka dukan jong u kaba ha Police Bazar, Shillong, bad ki la tuh ïa ki duma kiba shongdor kumba T. 18,500/- bad pisa kumba T. 2,800/-.
