Shillong, Rymphang, 05: U kyrtong ka VPP na Jaïaw u Bah Denzil R. Chen ha ka sngi Balang u la ujor pyrshah ïa u Rangbah Shnong ka Mawdatbaki da kaba kynnoh ba u la kyntait ban ai jingbit ban pynlong ïa ka jingïalang paidbah ha Mawlai-Nongmali ha ka 6 tarik mynta u bnai.
Ha ka shithi ba la phah sha ka District Election Officer (DEO), East Khasi Hills, u Bah Chen u la kynnoh ba u Rangbah Shnong jong ka Mawdatbaki u la kyntait ban ai jingbit ban pynlong ïa ka jingïalang paidbah ha ka 6 tarik mynta u bnai ha Nongmali lyngba ka shithi kaba la phah ha ka 5 tarik mynta bnai.
“Kane ka dei beit beit ka jingpynkheiñ ïa kane ka hukum….kaba pynmih da u Deputy Secretary ka tnat District Council Affair, ka Sorkar Jylla ha ka 30 tarik Kyllalyngkot,” u la ong.
“Namarkata, nga kyrpad ïa phi ban phin shimkhia halor kane hapoh kane janmiet hynrei lym kumta ngam banse ban shim da kiwei ki sienjam bad ban pynsngew ïa kane sha ki bor bahalor ban shah skhor ïa ka jingpynsngew jong nga,” ong u Bah Chen ha ka shithi ba la phah sha ka DEO.
