Baghmara, Naitung 07 : Uwei u rangbah ba tip kyrteng kum u Bichang T Sangma na Kongkona, South Garo Hills u la jah naduh ka 8tarik Jylliew, 2022 bad la ong haduh mynta ym don ba tip satia shaei u don naduh ba u mih ban leit trei sha Chennai bad ki paralok, ong ka kurim jong utie u rangbah.
Hadien katei ka jingjah jong u, ka kurim ka ka ujor ruh sha ki pulit jong ka Shibbari Police Station ha ka 05tarik u Naitung da kaba kdew ba uwei u Jipsin Ch Momin bad u Silnang R Marak na Baigonkona, South Garo Hills, District ki la wan sha ïing jong ka bad wer lang ïa u kurim jong ka ban leit trei sha Chennai ha kawei ka kompeni.
La ong ruh ba ha katei ka por u Bichang u la kyntait ban leit da kaba ong ba um don pisa hynrei ki paralok jong ki la kular ban wad lad lem na ka byntaq jong u khnang ba un ïoh leit lang bad ki shatei. La ong ruh ba dei ha ka 08tarik Jylliew ki la mih ban leit sha Chennai.
Shuh shuh la ong ruh ba naduh katei ka por, utei u kurim jong ka u la jah khlem wan mih shuh bad dei na kane ka daw ba ka la ujor sha ki pulit, ong ka Karistina R Sangma kaba dei ka kurim jong u.
