Shillong, Jylliew 16: Kawei ka longkmie kaba sah ha Nongbah Shillong ka la phah ka jingujor ba ha ka 1 tarik u iaiong, 2025, ka la ïohi ïa kawei ka advertisement ha Instagram, kaba ïadei bad ka jingdonkam ban thep pisa bad hadien ba ka la click ïa ka link la bthah ba kan wanphai biang sha ka Telegram account kaba kyrteng ‘Pooja Sawant’, ha kaba la ong ba lada ka thep pisa kan ïoh jingmyntoi kham bun.
Ha kaba ïadei bad kane, katei kaba la ujor ka la phah ïa ka pisa kumba T. 12,000/-, 23,384/-, T. 26,892/- sha ki 3 ngut ki briew, kiba kyrteng Ayush, Nirmal Singad bad Anshuman Nath. Hynrei kham hadien ka la shem ba ka la shah thok.
