Shillong, Iaiong 29:Ka Jaiñtia Students Union-Syndai Unit hynne ka sngi thohdieng, kala leit ban ujor ha u Deputy Commissioner ka West Jaiñtia Hills District namar ka jingthut bad jingtlot palat jong ka kor Internet ka kompani Airtel ha Syndai bad thaiñ War Jaiñtia.
Ka JSU-Syndai hapoh ka jingialam u President samla Pynshailang Suliang bad General Secretary samla Heiplanmiki Tariang, kila leit ban buh da ka dorkhas ha une u Khliehduh ka District.
Kham mynshuwa ka Seng kala leit buh dorkhas ruh ha ka office treikam jong ka Com-pany Airtel bad ka seng kala ai por shi taiew ia ka Company ban pyn beit ia ki jingduna hynrei kam patiaw ei ei ruh em. Namar kata, ka seng ka la leit buh ia ka dorkhas sa ha u Deputy commissioner jong ka West Jaiñtia Hill’s ban leh ia kaba donkam na ka liang ka bor district.
