Shillong, Rymphang 25 : Ka A.Chik Holistic Awakening Movement (AHAM) ka la ai ka jingujor pyrshah sha ka Deputy Commissioner (DC) jongka East Khasi Hills ka kong R.M Kurbah halor ka jingkhaïi beaiñ ba jur ïa u mawshun sha Bangladesh lyngba ka Bholaganj, Majai East Khasi Hills.
Lyngba kane ka jingujor ka AHAM ka pyntip ruh ba ym tang ba khaïi beaiñ ïa u mawshun hynrei la pynkheiñ ruh im im peit peit ïa ki kyndon aiñ khamtam ha ka jngkit palat pud ïa u mawshun.La ïathuh na kal iang ka Directorate of Mineral Resources (DMR) ka la shah ban kit tang 12 ton katba ki bor synshar shnong, Syiem, Myntri jongka Hima Sohra ki la shah ban kit ki trok haduh 25-26 ton.
Nalor kane la pynpaw ruh ba ka khajna ba la lum ka long bun bun shah ïa ka khajna ba la buh da ka sorkar, ka sorkar ka buh 200 tyngka shiton katba ki khyrdop lum khajna bad ki weighbridge ki lum haduh 17,000 shiton kaba long pyrshah ïa ka hukum jongka sorkar.
Kumta na ka liang ka AHAM kum ka jingpyrshah jur halor kine ki kam beaiñ ka dawa ba ki bor ba dei peit ki dei ban pynsangeh noh shisyndon ïa kine ki jingkhaïi beaiñ ïa u mawshun sha Bangladesh bad dawa ruh ba ka DC ka dei ban shim khia kyrkieh ïa kane ka kam.
U Lobius Arengh President ka AHAM East Khasi Hills Zone bad u Crownbetter T Sangma President ka South West Khasi Hills Zone ki pynrem jur ïa kane ka kam beaiñ bad kyntu jur ïa ka DC ban leh da kaba tyngeh ïa kiba donkti ha kane ka kam beaiñ.
Na ka liang ka AHAM ka la phah kopi ruh ïa kane ka jingujor sha ka ophis DMR, SDO Sohra ban leh ïa kane donkam.
