Shillong, Nohprah 05 : Kawei ka longkmie kaba kyrteng ka Kong Anjelina Wahlang ba shong ba sah ha Nongrah Nonglum, Shillong ha ka 18 tarik u Naiwieng, 2024 ka la mudui da ka ejahar ha Rynjah Police Station pyrshah ïa kawei ka briew kaba kyrteng ka Kong Mery Thangkhiew halor ka jingshah tuh na ka ïingsah jong ka.
Kane ka longkmie ka la kynnoh ba ka kong Mery ka la leh ïa kane ka kam tuh na ka ïingsah jong ka hadien ba ka la wan sah shipor kumba san sngi hapoh ka iing jong ka.
Ka Kong Anjelina ka la ïathuh ba ka la pdiang ïa kane ka briew ba kan wan sah shipor hapoh ka ïing jong ka namarba ka jingisynei ïa ka bad ïa i khunrit jong ka kiba la khynñiuh khriat shabar ka dukan jong ka, bad da ka mynsiem kaba sngur ka la ïalam ïa ki sha la ïing ban ai jaka sah shipor khlem da poi pyrkhat ïa kaei kaba lah ban jia.
Ka la ong ba dei ha ka 15 tarik, Nailur 2024 hadien ba u kurim jong kane ka kong Mery u la wan sha kane ka ïingsah jong ka ba ka la suba ba dei ma u, uba la tuh noh ïa ki lai tylli ki jaket na ka ïingsah jong ka.
Kumta ruh na ka liang kane ka longkmie ka kyrpad ïa ki bor pulit ba kin shim ïa ki sienjam ban leh ïa kaba donkam halor kane ka jingshah tuh na ka ïingsah jong ka.
