Shillong, Jymmang 02 : U Symbud Myntri Rangbah ka jylla, Bah Prestone Tynsong ha ka sngi Nyngkong u la ong ba ka sorkar kan ym rai khlehbiej satïa haba ïadei bad ka ishu Them-metor (Iew Themmawlong) kaba la ïaid shaid shaid mynta.
“Nga ïohi ba ki mih ki jingbyrngem ba ym sngewthuh sngewthaw shuh ba lada u Prestone, u Conrad u ai jaka ïa ki te ngin sa peitkai. Hynrei uei uta u ban shu ai khlehbiej ïa ka jaka. Ïa kane ruh ngan ïathuh lypa ba ngin leh ïa kaba dei,” u la ong haba kren ha ka jingïalang jong ka NPP kaba long ha Saitsohpen.
Katkum ka jingong jong u, kiban myntoi na katei ka rai jong ka sorkar kin dei ki khun samla nangne shakhmat bad ïa ki paidbah ka jylla hi baroh kawei.
Lah ban kdew hangne ba katei ka jingkynthoh kaba mih na kiba bun balang kadei hadien ba ka Harijan Panchayat Committee ha ka jingïalang ba la khot da ka sorkar jylla ki la pynpaw ba ki long kiba kloi ban kynriah noh na Them-metor lada ka sorkar ka ai da ka jaka kaba mar 200 square meter na bynta ki 342 tylli ki longiing nalor ka bai shna ïing.
