Mawkyrwat, Ïaïong, 09: Katba nangne mih ki sngi ka jingjaboh bad ka jingbret pathar ïa ki jakhlia ka la nangjur bad wat ka jingbym suid ñiew jong ki briew ruh ka la long kawei na ki daw ban pynjakhlia ïa ka mariang sawdong sawkun ha kaba kane ka dei ha kawei na ki jaka ha Riat-thawlong kaba hajan jong ka ïew Mawkyrwat.
Halor kane, ki katto katne ki nongshong shnong ka Mawkyrwat ki la pynpaw ka jingsngewdiaw khamtam na ka daw ka jingmih ki jingsma-iw-tung kaba kim tip naei ka wan bad kane ka jingud ba don ka jingsma ka dei khamtam na kito ki ïing briew kiba don ha syndah bad kawei ka jaka pynlang ñuit napoh ïew Mawkyrwat.
Ym tang kata ha kine ki khyndiat sngi ka la mih ruh ka jingsam ba iwkhong na ki jaka leit shabar jong ki paidbah (Public Toilet) ha kaba ka la pynlong ïa ki briew ba kim lah wat tang ban ring mynsiem namar ka jingsma.
Namarkata, na ka liang ki katto katne ki nongshong shnong ki kyrpad ïa ki bor ba dei peit ia ki iew ki hat khmamtam eh ka ophis jong u Manager Sankur Ri-Kynti Khaiñ Nonglang & Mawkyrwat Hat ba kin sngewbha ban jngoh lem khnang ba ki paidbah kin ïoh ban ring mynsiem ïa ka lyer kaba khuid bad ba kin kin lait na ki jingpang ba ha rukom.
