Shillong, Nohprah 17 : Ki paid nongshong shnong ka nongbah Shillong ki la ud la nam namar la jan baroh shitaiew lynter ki ïoh da ka umsaw na ki umkor kaba ym i long wat tang ban dih ruh nalor ba ka dei ha ka por aiom tlang.
Haba kren bad u nongthoh khubor ki la ong “ Ngi sngewthuh haba trei surok teng teng na ka jingtih ïa ka khyndew kum dei ïa ki pipe bad ki pei noh hynrei kaba pynlyngngoh ka long ba wat haba la poi ka um sha ïing ruh baroh shi taiew lynter poi da ka umsaw. Kane keiñ kaba ngim lah ban sngewthuh bad pei phang haduh mynta”.
Hooid na ka liang ka PHE ka la pyntip ba dei ka jingbthei ki pipe sha ki thaiñ Upper Shillong hynrei hadien ba la dep shna ruh kat haduh mynta dang poi beit da ka umsaw kane kaba pynbitar ïa ki paidbah.
Kumta halor kane ki kyntu jur ïa ki bor ba dei peit ka PHE ba kin shim khia ïa kane ka kam namar kaba sheptieng lada poi da ka umsaw ïoh lashai la shisngi ïoh sa ki jingpang ba har rukom khamtam eh ka jingpang kpoh ne jingpang pynhiar kpoh.
