Ud ki Nongtrei VEC sha ka KSU ba slem ka sorkar MDA ban pyllait ia ka pisa bai tiar

Jowai, Ïaïong 30: Ka Khasi Student Union (KSU) ha ka kyrwoh khubor ba la phah da u General Secretary Lapangap Unit samla Saikial Sumer la ïathuh ba ym don shuh ka roi ka par sha ki thaiñ nongkyndong namar baroh ki VEC jong ki shnong bapher bapher kila artatien ban pyntrei ïaka scheme MNR EGAs namar ka jingbym pyllait pisa bai tiar bai tar (Materials) ka sorkar kaba long da ki 3-4 snem.
La ïathuh mynshwa ym don scheme sorkar shuh kat ka MNREGAs kaba theh ïaka roi ka par khlem sangeh, ym don MDC skim, ym don MLA skim kat ka skim bylla 100 sngi, hynrei mynta pat wat tang ban kynmaw ruh ym kwah shuh namar la ban ka ram kaba sah ha ki trai dukan hardware.
Shuh shuh kitei ki nongtrei bylla kila pynsngew ha ki nongïalam seng mynshwa tang shu pan tiar ha kyrteng jong 100 sngi wut-wut ki trai dukan kila ai mynta tang shu tip ba dei ïaka 100 sngi ki ong “Pyndep shwa barim” te nangno shuh ngin ïoh ïaka roi ka par khamtam sha ki thaiñ nongkyndong.
‘Haoid ka bai bylla sngi (wages) te ka tuid khlem sangeh marsien dep summit muster roll kaba kthah te ïaka material kieñ kane ka kthah bha khamtam ïaki shnong bym don ka fund shnong bad hap ban pan jingïarap sponsor pisa na kiba kham rap biang ka ïoh ka kot ban pynlut bai cement, rot Maw Bad kiwei-kiwei ki jing donkam ban pynbiang materials hynrei naka daw jong ka jingslem palat ka sorkar ban pyllait pisa materials. La ong wat ki nong sponsor pisa ruh kila kynran dien kim nud shuh ban ïarap pisa.
Ka seng ka buh ka jingkylli ïaka sorkar ba mynta balei haka por mynshwa marsien pyllait pisa naka sorkar kmie ka pisa wut-wut la lait ym tang ka wages ka materials ruh ka lait kumjuh hynrei mynta pat u nongshim ram ban bei pisa ïaka jingtrei (projects) u hap ban siew nang palat ïaka sut mahajon.
Lada ka sorkar ba mynta ka leh kumne ym don jingkyrmen shuh bakane ka scheme (MNREGAs) kan neh slem, shen ki jingmyntoi jong kane ka scheme kan sah satang haki jingkynmaw.
La buh jingkylli ruh ko sorkar pha kwah ba ïa ka scheme 100 sngi ruh ban long kum ka bill PWD mo? Quarter system haduh ban da blad rong ki sut ruh ym pat lait bill. Ka jingkylli ruh ïa u minister C&Rd Block Incharge da kaba ong ‘Hato ïa ka jingmyntoi u paidbah ruh yn pynduh noh? shen ka seng kan sa phah syndon da ka jingthoh halor ka meij u myntri.
Na ka liang ka seng kala maham ba lada ym lah ban jubab ka KSU ka long kaba khreh ban Jubab sha u paidbah, shi katto la sngap jar ïakane wat hapdeng ka jingud jong u paidbah namar ka seng ka dang khmih lynti baka sorkar kan leh ïa kaba bha tam hynrei pleng ka poi sha kaba sniew tam, pynkut katei ka kyrwoh.