U Sohsaw u bun bha ka vitamin C u don ki antioxidant kiba ai jingmyntoi shibun bad tei ka bor met. U dei uba lah ban pyndonkam ha kiba bunjait ki jingshet. Ym tang ba phi lah ban shet hynrei u sohsaw la ju pyndonkam ruh na ka bynta ka jingsumar ïa ka sniehdoh. Ka lycopene kaba don ha u sohsaw ka dei kaba lah ban pynjur ka jingpynmih ka collagen bad ïarap ban pynkhuid ka jingdon ki cell kiba ym lerkam shuh. Ka jinglong ransti ka sniehdoh bad ka jinglong thoh laiñ lah ban pynduna da kaba ngi pyndonkam da u sohsaw.
Ka jingmyntoi ka sniehdoh ba ngi lah ban ïoh lyngba u sohsaw:
Ka pynduna ka jingshahktah ka jingthang ka sngi: Ka Lycopene ka dei ka carotenoid, ka rong tynrai halor ka jinglah ban wallam ka jinglong saw ha ki katto katne ki jhur bad ki soh. Ka dei ka antioxidant kaba lah ban ai jingïada na ka jingtlor jong ki cell. Kane ka lycopene ka don ruh ka bor bal ah ban ai jingïada na ka bynta ka durkhmat. Ka jingbam ïa u sohsaw ka dei kaba lah ban khanglad halor ka jingshat bad thang jong ka sngi ha ka sniehdoh.
Ka jingduna ka jinglong tyrha ha ka sniehdoh: Lait na ka lycopene, u sohsaw u don ruh ka beta carotene, lutein, Vitamin E bad ka Vitamin C. Kine ki compound ki dei kiba don ka bor halor ka jinglah ban ïakhun pyrshah ka jingkiew ka jinglong tyrha. Phi lah ruh ban tah da u sohsaw ha ka sniehdoh bad lah ban pynduna halor ka jinglong dait bad tyrha.
Ka ïada pyrshah ka jingransti ka sniehdoh: U Sohsaw u don ki vitamin B. U don ka Vitamin B-1, B3, B5, B6 bad B9. Baroh kine ki dei kiba don ka bor bal ha ban ïakhun pyrshah halor ka jinglong thoh dak ha ka sniehdoh, ka jinglong thoh laiñ bad ka jingmih ki pyrshen. U lah ruh ban pynduna ka hyperpigmentation bad ka jingshah kah na ka daw ka jingshat bad thang jong ka sngi.
Ka jingpynmih ki collagen: Ka vitamin C kaba don ha u sohsaw ka dei kaba ïarap ban pynmih ki collagen. Ot slice ïa u sohsaw bad sa kyllan ha ka sniehdoh. Kane ka ïarap ban wallam ka jinglong jem bad jlih ka sniehdoh.
Ka jingduna ka jingshah ktah ki cell: Ki antioxidant kiba don ha u sohsaw ki dei kiba pynduna ka jingshah ktah na ka daw ka jingdon ki phlia jakhlia. Kine ki phlia jakhlia ki dei kiba lah ban pynjur ka jinglong thoh laiñ bad kiwei ki dak kiba pyni halor ka jingnoh ransti ka sniehdoh ne ka sniehdoh jingnoh ka rta. Phi lah ban kynthup u sohsaw ha ki jingbam ba phi bam manla ka sngi na ka bynta ban ïoh ki antioxidant na u sohsaw.
