U Rev. Dr. R.R. Cunville u dei u nongïalam Khristan ba bna nam bad don burom, ong u Lamphang ka Ïingdorbar

Shillong, K’ Lyngkot 18: U Lamphang ka Ïing Dorbar Thaw aiñ ka jylla u Thomas A Sangma u la pynpaw ka jingsngewsih halor ka jingkhlad ba kyndit jong u Rev. Dr. R R Cunville uba la dei uwei na ki nongïalam Khristan uba la bna nam bha.
U la ong ba ïa u Rev Cunville yn kynmaw halor ki jingaiti ba shitrhem ïa ki kam mynsiem ban shakri ïa U Blei, ka jinglong sngewrit bad kumjuh ruh ka jingïaisah jong u ban burom ïa baroh ki kynhun jaitbynriew.
Ka jingai mynsiem jong u ka la wanjia ha ka por ba la rakhe ïa ka Pre Christmas celebration ha Meghalaya Legislative Assembly ha u snem 2023 ha kaba u la ai ki jingkren kiba la pynsah kynmaw haduh mynta, pynkut ka kyrwoh na u Lamphang ka Ïing Dorbar Thaw aiñ ka jylla u Thomas A Sangma.