Shillong, Lber 29: Ka video ne ka dur khih kaba la saphriang bha ha ki social media ka la pynmih ïa ka jingbitar hadien ba la ïohi ïa uwei u briew uba la ak kum u pulit bad u la shoh ne thombor ïa uwei u nongñiah kali.
Ha katei ka dur khih, la ïohi ïa utei u briew ba u byrngem ïa u nongniah kali, da kaba kynnoh ba un siat ïa u da ka “suloi”, katba u dang jrong kti ruh ïa u da kaba shoh bad thap. La iohsngew shuh shuh ïa u ba u maham ïa u nongniah kali ba un shah set ha patok, kaba u la ak ïa lade kum u pulit.
Haba pynshai ïa kane ka kam, u Superintendent of Police (SP) ka East Khasi Hills Police, u Bah Vivek Syiem u la pynthikna ba une u briew ba paw ha ka video um dei u pulit hynrei u dei u riew paidbah.
“Hadien ka video kaba la saphriang bha ha ki social media ha kaba la ïohi ba uwei u briew u la thombor bad byrngem ïa u nongniah kali, bad ha kaba kiba bun ki la kynnoh ba utei u briew u dei u pulit, hynrei ki pulit kila pynlong ïa ka jingtohkit.La pynthikna ba u briew uba paw ha katei ka video um dei u pulit hynrei u dei u riew paidbah”, la pyntip ki pulit.
Shuh shuh ki bor ba dei khmih ki la pyntip ba la registers ïa ka suo moto case, bad yn sa leh katkum ka ain.
