U Modi u nongïalam uba lah ban ïakhun ïa ki jinglong jingman kiba mih ha West Asia, ong u Conrad

Shillong, Lber 29: U Myntri Rangbah ka jylla u Conrad K Sangma u la ïaroh ïa u Myntri Rangbahduh ka ri u Narendra Modi halor ki jingïalam jong u naba ka India ka la shem ka lynti ban lah ïakhun ïa ki jingeh kiba mih na ki kynrum kynram kiba mih mynta ha West Asia.
Kane ka jingkynthoh jong u Myntri Rangbah ka la long ha ka jingïalang ba la khot da u Myntri Rangbah duh ka ri ïa baroh ki Myntri Rangbah ha kaba ïa ka jingïalang la pynïaid da u Narendra Modi bad ki lieutenant governor ban shim jingkheiñ halor ki jinglong jingman ha ka thaiñ bad ban shim bishar ïa ki kam ba la pynkhreh da ka ri.
U Sangma u la ong ba u la ïashim bynta ha ka jingïalang ba la khot da u Myntri Rangbah duh ka ri ban bishar ïa ki jingkylla sted ki kam pynroi ha ka thaiñ bad ban ïasyllok ïa ki jingpynkhreh jong ka ri ban jubab ïa ki jingeh.
“Haba shim bynta ha ka jingïalang ba la khot da u Myntri Rangbah duh ka ri u Narendra Modi haba ïadei bad ka jingkylla jong ka jinglong jingman ha West Asia. Ka jingïaroh ïa u Myntri Rangbah duh ka ri halor ki jinglong nongïalam jong u ban lah ban ïakhun ïa ki jingeh kiba mih ha kine ki por. Ka kynhun ka India ka ïeng tylli bad yn bteng ban trei lang ban pynïaid shakhmat ki kam katkum ka jinglong jingman,” ong u Conrad ha ka X.
Ha kane ka jingïasyllok, u Modi u la kren halor ka jinglong jingman hapoh ki ri ka pyrthei kaba don ka jingïasohlang bad ka West Asia kaba la mih ki kynrum kynram mynta. U la pynpaw ruh ïa ka jingïatreilang kaba ïajan bad kaba kongsan hapdeng ka sorkar pdeng bad ki jylla khamtam ban pynbeit lada don kano kano ka jingkyllem ne ka jingeh kaba lah ban mih, ba kynthup ïa ki jingsngewkhia haba ïadei bad ki lad jingïada bad ka bha ka miat jong ki nong India ha ki thaiñ ba shah ktah.
Kane ka jingïalang bishar kam ka la wan pyrshah ïa ki jingïakynad kiba la klang na ki kynrum kynram bad ki thma ha West Asia, kiba la mih ki jingsngewkhia halor ki jingneh jong ki thaiñ, ki ïew ha ki kam bording ha ka pyrthei bad ki jingshngaiñ ki nong India kiba sah bad kiba trei shabar ri.