Shillong, Nailur 27: U Additional Chief Secretary ka jylla u Dr Shakil P Ahammed ula shah thung kum u Chief Secretary ba thymmai ka Jylla Meghalaya.
Ïa kane ka jingpynbna ba la pynmih da u Commissioner & Secretary ka Tnad Personnel & AR (A) Bah CVD Diengdoh ha ka sngi Thohdieng ka ong, “U Dr Shakil P Ahammed, IAS (RR:1995), Additional Chief Secretary ka Tnad Home (Police), Home (Political), Water Resources department, Additional Chief Secretary, Corporate Social Responsibility (CSR) bad Chairman, Board of Revenue ula shah thung kum u Chief Secretary ka Meghalaya ka ban treikam naduh ka sngi ba shongthait noh u Bah DP Wahlang kum u Chief Secretary ha ka 30 tarik Nailur 2025”.
“Da ka jingshimti ïa ka kam u Chief Secretary, u Dr Shakil P Ahammed, un trei kum u State Vigilance Commissioner, Meghalaya,” la bynrap ka jingpynbna.
