Shillong, Nailur 22 : Ka Meghalaya Legislative Assembly Secretariat ha ka sngi Nyngkong ka la pynbna ba u MLA ka Nongpoh, Dr. Celestine Lyngdoh kumjuh u MLA ka Mylliem Bah Ronnie V Lyngdoh ki la shah thung kum u Chief Whip bad Deputy Chief Whip jong ka Liang Synshar ha Iing Dorbar Thawain ka Jylla.
Ïa kane la pyntip da u Commissioner & Secretary ka Assembly Secretariat, Dr. Andrew Simons ha kane ka sngi Nyngkong.
Kumban shu kdew hangne, u Dr. Celestine bad Bah Ronnie kidei ki arngut na ki sawngut ki MLA jong ka Congress kiba la pynïasoh noh dang shen sha ka National People’s Party.
