U Conrad u dei ban pdiang ba u la bakla ban ai ïa ki jaka ka Meghalaya sha Assam : Dr Mukul

Shillong, Naitung 18: U Nongïalam ka Liang Pyrshah ka Ïing Dorbar Thaw aiñ ka jyla u Dr Mukul Sangma ha ka sngi Nyngkong jong ka 18 tarik u la ong ba lada ka AITC kan wan ha ka bor synshar kan pyndam noh ïa MoU kaba la ïa soi da ki ar myntri Rangbah ka jylla Meghalaya bad Assam.
U Dr Mukul u la ong ruh ka ba ka dei ba u Myntri Rangbah ka jyla u Conrad K Sangma ba un pdiang ba u la bakla ban aiti noh ïa ki jaka riewlum sa ka jylla Assam.
“U Myntri Rangbah u dei ban kyrtiang dien ban peit ïa ki kot ki sla bad ba ka donkam ba un pdiang ba u la bakla bad ban pynpaw pyrthei ruh ïa kane. Ïa ka jingleit ai ïa ki jaka riewlum sha ka jylla Assam um lah satia ban ïada ïa ka hok bad ka jinglong trai jong ki briew jong ngi da kaba u aiei pynban ïa ka jaka sha ka Assam,” ong u Dr Mukul haba kren bad ki nongthoh khubor.
“Namarkata, nga kwah ban ïasnoh kti lem ha kane ka jingïakhun nga kwah ban pyndam ïa ka bad tang kata hi nga don ban ong” u la bynrap
Haba kdew pat ïa ki kot ki sla kiba la pynkhreh da ka sorkar jylla ha u snem 2011, u Dr Mukul u la ong ba ki revenue record kiba ka sorkar ka pynkhreh ha u snem 2011 ka long ban kam trai ïa ki jaka riewlum kiba dei shi bynta bad ka jylla Meghalaya.
U Dr Mukul u la bynrap ruh ba kine ki 6 jaka kiba don ka ka jingïakajia pud kiba la kam da u Conrad ba la lah ban ïa pynbeit hynrei hsa ka jingshisha ka sorkar ba mynta lei ka pharia pynban ïa ka jaka ba heh kumba 36.79 sq km
“Hato u Myntrri Rangbah u kam ba ka jylla ka long trai ïa kine ki jaka ba heh kumba 36.79 sq kms? Hato u ïoh ïa kane ka jaka ba heh kumba 36.79 sq kms? Ka jubab kaba shai ka long EM, dei na kane ka daw ba ngi ong ba ka sorkar ka la aiei ïa kine ki jaka sha ka sorkar Assam. Hato u ïakhun mo ban ïoh ïa kane ka jaka kaba dei ka hok nongkynti ki raid bad ki hima? Mano ba ai bor ba un aiei ïa ka jaka ba heh kumba 18.51 sq km sha ka Assam” ong u Dr Mukul.
“Namarkata, mano ba pyrshang da rapjot ïa kaei kaei kaba la paw pylleiñ-pylleiñt? U Myntri Rangbah u la shu pyrshang da rapjot jubor ïa la ka jingbakla. Balei um ong beit ba nga la bakla ym ban ïalam bakla ïa u paidbah da ki buit thok” ong u Dr Mukul.
Haba la kylli pat ha kano ka dur ka AITC kan pyndam ïa ka MoU kaba la ïasoi u Dr Mukul u la ïathuh ba ki don ki khep kiba ka Supreme Court ka leh ha ka jingbishar ïa ka Babri Masjid.
“Kaba mut donkam ban peit bniah naduh ka history ban peit ïa ka hok longtrai ïa ka khyndew ka shyiap kat kum ki jinghiar pateng kiba la ioh na ki kpa tymmen” ong u Dr Mukul