Nongpoh, Risaw 15: U Bah Rayonald Kharkamni Vice President ka Meghalaya Cricket Association u la shah jied ban long kum u Match Observer ka BCCI naka bynta ka jinglehkai Test kaba lai hapdeng ka India bad New Zealand ka ban long haka 1 tarik Naiwieng ha Mumbai.
Ka jinglehkai Test ba nyngkong hapdeng ka India bad New Zealand kan sdang haka sngi Balang ha Bengaluru, ka test ba ar kan long naduh ka 24 tarik Risaw ha Pune bad ka Test kaba lai kan long naduh ka 01 tarik Naiiweng ha Mumbai.
Ki Match Observer kin long kum ki nongpeit bad pynkhreh ïaki kaiphod ha kaba ïadei bad ka jinglong jingman jong ka madan ïalehkai, ki umpire bad ki kam kiba ïadei bad ki nongïalehkai bad kiwei kiwei.
Kum ban shu kdew hangne u Bah Rayonald Kharkamni u dei ruh u President jong ka Ri-Bhoi District Cricket Association bad u dei u ba la don bynta shibun ki kam ban kyntiew ïaka kam ïalehkai haka district bad kumjuh ruh ha ka jylla baroh kawei.
