Shillong, Nailar 16: Ka khubor ba la ïoh na ka Ministry of Law & Justice ka Sorkar Pdeng, ka la pyntip bna ka la thung ïa u Justice Hamarsan Singh Thangkhiew, Judge ka Ïingkashari Meghalaya High Court, ban shimti ruh ïa ka shuki Chief Justice ba shipor jong ka Ïingkashari.
Katkum ka jingpynbna ne notification ba la pynmih da u Jagannath Srinivasan, Joint Secretary ka Sorkar Pdeng, la ong ba u Justice Hamarsan un shimti ïa ka kam jong u Chief Justice naduh ka 17 tarik Nailar hadien ka jingshongthait jong u Justice S.Vaidyanathan, Chief Justice ka Meghalaya High Court ha ka 16 tarik Nailar mynta u snem.
