Shillong, Lber, 29: Ka Dorbar Shnong Lumshyiap Upper Golflink, Shillong ka la ïoh ïa u Bah A.P. Khongphai kum u Rangbah Shnong bathymmai ha ka dorbar paidbah kaba la long hynnin ka lah sngi u Blei na ka bynta ka samoi treikam kaba lai snem.
Ïa kane ka jingjied rangbah shnong ba thymmai la sakhi lang da ki nongïalam shnong jong ka shnong Lumshyiap Upper Golflink lem bad ki paidbah nongshong shnong shynrang bad kynthei kiba la kynjoh 18 snem ka rta.
Kiwei pat ki nongkitkam shnong bathymmai ki long u Deputy Rangbah Shnong Bah Andrew Sohkhlet, Secretary Bah K.P.Phawa, Assistant Secretary Bah C.R. Kharraji bad Treasurer Bah S.B.Marthong.
