Shillong, Naitung 18: Ka Laitumkhrah SC bad ka Mawlynrei SC ki la jop ïa la ki jong ki jingïalehkai hynne ka sngi Thohdieng ha ka lympung U-20 Fourth Division, ba la pynïaid da ka Shillong Sports Association ha madan First Ground, Polo.
Ha ka jingïalehkai ka Laitumkhrah ka la jop da 4-0 kol pyrshah ïa ka Golflink, ha kaba u Hamlet Thabah (8′, 68′, 80’+1) u la ïoh hat-trik. Kawei pat ka kol la thep da u Dabetskhem Rympei (72’P).
Hadien kane, ka Mawlynrei ka la lah ban pynliem da 2-1 kol ïa ka Them Rangshken. U Ferdinand Pyngrope (63′) bad u Elvin Kharsohnoh (80’+3) ki la pynkhihjar na bynta ka Mawlynrei, katba u Pynkhreh Langstieh (65′) u la thep na bynta ka Them Rangshken.
