Shillong, Nohprah 07 : Ka Gujarat ka la lah ban ïalehkai bha la ka long ha ka liang ka tied bad ka kawang bol da kaba pynliem ïa ka Meghalaya da ka innings bad 316 ron, ha ka lympung ïalehkai U-16 Vijay Merchant Trophy ha ka jingïalehkai ha ka sngi ba ar ha Vadodara.
Ka Meghalaya kaba la jop ïa ka jingkynting pisa ka la kam ban kawang bol nyngkong hynrei katei ka rai kam shym la biang na bynta ka kynhun ha kaba ka Gujarat ka la kamai haduh 8 ron ha ka shi over ha kaba ka la kamai 403 duh noh 7 wicket ha ki 48.3 over. Ka Meghalaya haba wan beh ïa katei ka ron ka la hap kloi arngut ki wicket ha ka jingkamai 37 bad 50 ron ha katei ka jingïalehkai ba lai sngi hynrei kaba la kut noh tang ha ka shi sngi.
U Jarrett M Wanniang u nam tam ha ka liang ki nongkawang bol ka Meghalaya da kaba khur 3 wicket ai kamai 84 ron katba u Angkit Tamang u ïoh 2 wicket ai kamai 86 ron. U Benedict Jones Makdoh (1/51) bad u Gaurav Jyoti Thakuria (1/88), ki khur mar shi wicket.
U Rudra Singh Rathore u rang tied sdang u la kamai 18 ron, hynrei ka Meghalaya kam lah ban tied bol bad kamai da 37 ron. Ha ka inning kaba ar u Kishlay Vishlux (14) bad u Bishes Chettri (10).
Ka Meghalaya kan ïalehkai pat pyrshah ïa ka Chhattisgarh naduh ka 11 tarik Nohprah.
