Shillong, Jylliew 15 : Ki Nongïalam shnong na ki Dorbar Shnong ba hap ha ka thain Upper Shillong ha ka sngi Saitjain ki la kynduh lang khrui na ka bynta ban jied ïa ka Executive Committee ba thymmai jong ka Synjuk ki Nongsynshar Shnong Upper Shillong na ka bynta ka samoi treikam kaba lai snem.
Ha ka jingïalang kaba long ha Bormanik College, la wan ban shim bynta lang da baroh ki Rangbah Shnong bad ki nongkitkam shnong na ki Dorbar Shnong bapher bapher kiba hap ha ka thain Upper Shillong hadien ba la buh ba kin phah san ngut ki dkhot naman la kawei pa kawei ka shnong.
Kane ka EC ba thymmai ka kynhup ïa u Rangbah Shnong ka Mawklot Bah Mawkordor Nongneng kum u President, nangta ïa ka kam Vice President la jied ïa u Rangbah Shnong Nongkseh Bah Myrank Thangkhiew, General Secretary la jied ïa u Bah Malcolm R. Thangkhiew.
La jied ruh arngut ki Joint Secretary bad kine ki kynthup ïa u Bah Aiban Nongkynrih bad Bah Lapbor Lyngdoh.
Katba ïa ka kam Treasurer pat la aiti ha u Rangbah Shnong ka Lummawbah, Bah Everest Thangkhiew.
Nalor kine la jied ruh ïa arngut ki Publicity Secretary ba kynthup ïa u Bah Robin Nongneng bad Bah Rockystar Thawmuit katba ïa ka kam Auditor la jied ïa u Bah Wilson Lyngdoh Tron.
Hadien kane la jied ruh ïa lai ngut ki nongai buit lane ki adviser bad kine ki kynthup ïa u Bah Morris Shabong, Bah Daniel M Thangkhiew bad Bah Nathaniel Thangkhiew.
Ka jingïalang ka la jied ruh san ngut ki Executive Member na ki Dorbar Shnong kiba hap hapoh ka thain Upper Shillong.
Na ka liang ka EC ba thymmai ka buh thong ruh ban treilang na ka bynta ban kyntiew ïa ka roi ka pa bad ka bha ka miat jong ka thain hi baroh kawei.
