Shillong, Naitung 05 : Ka National Peoples Youth Front (NPYF) lyngba u President, Bah Kitborlang Nongrem ki ai jingmut ïa ka sorkar ban peit ba ki skul kiba duna ki khynnah skul bad bun ki nonghikai.
Da kaba ïaroh ïa ka sienjam ba la shim da ka sorkar ban kyntiew ïa ka tulop jong ki nonghikai Adhoc ha ka jylla, u la ong ba na ka liang ka kynhun naduh kaba sdang ki la donlang ban leit kynduh ym tang ïa u Myntri Rangbah ka jylla kumjuh ruh ïa u Symbud Myntri Rangbah.
“Khlem da pynthut ïa ka kam jong ki nonghikai kiba hikai ha kito ki skul kiba duna ka jingdon ki khynnah skul hynrei bun ki nonghikai, ïa ki khynnah dei ban phah lang sha kito ki skul kiba ka jingdon ki khynnah ka kham bun,” u la ai jingmut.
