Shillong, Risaw 16: U Bishu M Marak, u Resident Engineer, Sub-Station, MEPDTL, Nongalbibra (SGH) u la ujor ba ha ka 14 tarik mynta u bnai ha ka por 7 baje mynstep, ha ka por ba dang pynlong ïa ka jingleit khmih ïa ki tower line hajan ka shnong Nengkra A’we (EGH) da u Annual Maintenance Contractor, la shem ba artylli ki High Tension Conductor (HTLC), kiba shongdor T. 6.96 lak, ki la shah tuh na ki jaka ba la pynïeng ïa u tower bad kumba 4 tylli ki tiar hardware kiba shongdor kumba T. 2,32,960/- lak la shem ba ki la shah pynjulor.
U Bah Dondor War u la ujor ba ha ka 30 tarik u Nailur, 2025, ki runar bym lah ban ithuh ki la tuh ïa ki AJB Power cable bad 2 tylli ki Remote Radio Units kiba shongdor T. 3,35,870/- lak na u tower mobile ba la pynïeng ha shnong Mawdulop, Mawkynrew (EKH).
