Shillong, Naitung 24: Ha ka janmiet jong ka 21 tarik mynta u bnai, ki runar bym lah ban ithuh ki prong hapoh kawei ka ïingwai jong ka Rosy Mameirakpam kaba ha Upland Road, Shillong bad ki la tuh ïa ki tiar napoh kane ka ïing.
U Henrick Ch Sangma u la phah ka jingujor ba ha ka 19 tarik mynta u bnai ha ka por 8 baje mynstep, ki runar bym lah ban ithuh ki la tuh ïa ka thuk thuk jong u na ïew Photkroh (SWKH).
U Brahmal Hajong u la phah ka jingujor ba ha ka miet jong ka 20 & 21 tarik mynta u bnai, ki runar bym lah ban ithuh ki la tuh ïa ki cable kiba shongdor T. 36,000/- na ka jaka ba dang pyntrei ïa ka Chengkompara Water Supply Scheme (SWGH).
U Headmaster cum Secretary ka Simsang Bokmangre SSA UP School (SWGH) u la phah ka jingujor ba ha ka miet jong ka 19 tarik mynta u bnai, ki runar bym lah ban ithuh ki la prong hapoh ka kam shetja ka skul bad ki la tuh ïa bun tylli ki tiar ba pyndonkam ha kamra shetja.
