Tuh ki runar ïa ka pisa 1 lak tam na Nangrime IVCS Ltd

0

Shillong Nailur 02: U Junebirth Marak, Secretary, IVCS Ltd., Gairong (NGH) u la phah ka jingujor ba ha ka mied jong ka 26 tarik u Nailar, ki runar bym lah ban ithuh ki la prong hapoh ka office Nangrime IVCS Ltd., Gairong (NGH) bad ki la tuh ka pisa kumba T. 1,64,950/-.
Ha kawei pat ka jingjia ha ka 28 tarik u Nailar, ki runar bym lah ban ithuh ki la prong hapoh ka ïing jong ka kong Ebiona Thabah kaba ha Nongmensong, Langkyrding, Shillong, bad ki la tuh ïa 2 tylli ki jingdeng ksiar bad kumjuh ruh ïa ka ksiar kaba khia kumba 2 tola bad ka pisa T. 6,000/-.
Ha kawei pat ka jingjia, u Sudhir Saha u la phah ka jingujor ba ha ka miet jong ka 24 tarik mynta u bnai, ki runar bym lah ban ithuh ki la tuh ïa shibun ki tiar ba kynthup ïa ki juti, ki pla bad ki shatri na ka dukan jong u kaba ha Shallang Sohbar-A (WKH).

Leave A Reply

Your email address will not be published.