Shillong, Naitung 22: U Bah Daniel Surong Jyrwa, Proprietor ka Computer Store, GS Road, Shillong u la ujor ba ha ka 18 tarik mynta u bnai ha ka por 7.07 mynmiet, uwei u runar bym lah ban ithuh u la tuh kawei ka Laptop napoh ka store jong u.
U Bah Benny Fred Mylliemngap u la ujor ba ha ka 19 tarik mynta u bnai ha ka por 8 baje mynstep, u la shem ba ki runar bym lah ban ithuh ki la tuh ïa ka thuk thuk jong u kaba don u number ML-05N-8849 napoh ka ïingsah jong u kaba ha 3rd Mile Umlyngka, Upper Shillong.
Ha kawei pat ka jingjia u Bah Dashanskhem Nongkynrih u la phah ka jingujor ba ha ka 20 tarik mynta u bnai, ki runar bym lah ban ithuh ki la tuh ïa ka thuk thuk jong u kaba don u number ML-05X-5309 na ïingsah kaba ha Mawlai Umjaiur Block-II, Shillong.
Ka Samla Darisha Syiemiong ka la ujor ba ha ka 20 tarik mynta u bnai, ki runar bym lah ban ithuh ki la tuh ïa ka scooter jong ka, kaba don u number ML-10C-6448 napoh ka ïingsah kaba ha Mawlai Umjapung Tariang Block-B, Shillong.
Katba u Rishanlang Marak u la phah ka jingujor ba ha ka 19 tarik mynta u bnai, ki runar bym lah ban ithuh ki la tuh ïa ka scooter jong u kaba don u number ML-05V-8574 napoh ka ïingsah kaba ha Pynthorumkhrah Block-II, Shillong.
